SQO turǵyny jeńil kólikpen iri qara tasymaldaǵan
PETROPAVL. QazAqparat – Soltústik Qazaqstan oblysynda jeńil kólikpen iri qara maldy tasymaldaǵan turǵyndy polıtseıler ákimshilik jaýapkershilikke tartty, dep habarlaıdy QazAqparat tilshisi.
Petropavldyń 44 jastaǵy turǵyny jeńil kóliktiń artqy oryndyq bóligine buzaý salyp, tasymaldaǵan. Ony jolda júrgizýshilerdiń biri túsirip alyp, áleýmettik jelige salyp jibergen. Bul jazba tártip saqshylarynyń nazaryn aýdardy. Polıtseıler kóliktiń nómirimen júrgizýshini anyqtap, ákimshilik jaýapkershilikke tartty.
«Jolaýshylar men júkterdi tasymaldaýda, qaýipsizdik beldikterin nemese mototsıkl shlemderin paıdalanýda jol erejelerinde kózdelgen talaptardy saqtamaý» baby boıynsha kólik júrgizýshisi aıyppul tóleıdi. Budan basqa SQO PD patrýldik polıtsııa batalonynyń qyzmetkerleri mundaı jaǵdaı taǵy qaıtalanbaýy úshin er adammen profılaktıkalyq áńgime júrgizdi», - delingen polıtsııa habarlamasynda.
Bul bap boıynsha aıyppuldyń mólsheri – 5 AEK, ıaǵnı 14 585 teńge.
