SQO turǵyny orynsyz qaljyńy úshin bir jarym jylyn túrmede ótkizetin boldy

ASTANA. QazAqparat - Petropavldaǵy saýda úıleriniń birinde bomba qoıylǵanyn aıtyp, ishki ister organdaryna jalǵan aqparat bergen 51 jastaǵy áıelge qatysty sot úkimi shyqty, dep habarlaıdy QazAqparat tilshisi oblystyq ІІD baspasóz qyzmetine silteme jasap.

Aıta ketsek, osy jyldyń sáýir aıynda sottalýshy áıel «Sokol» saýda úıine jarylǵysh qoıyldy» dep habarlap jurtty dúrliktergen bolatyn. Jalǵan habarlamanyń keselinen qaladaǵy barlyq kúsh qurylymdary jumylyp, halyqty qaýipsiz jerge kóshirip áýrege túsken bolatyn. Aqyry atalmysh saýda úıinen bomba tabylmady. Kóp ótpeı jalǵan habar berip qońyraý shalǵan adam ustaldy.

«Sot úkimimen 51 jastaǵy sottalýshy bir jarym jylǵa bas bostandyǵynan aıyryldy», - delingen habarlamada.

Quzyrly vedomstvonyń habarlaýynsha, jyl basynan beri oblys aýmaǵynda dál osyndaı 7 jaǵdaı tirkelgen. Ásirese, mundaı orynsyz qaljyńnyń nysany retinde adamdar kóp jınalatyn oryn tańdalatyn kórinedi.