SQO turǵyny orman ishinde úsh kún adasyp júrgen
PETROPAVL. QazAqparat - Soltústik Qazaqstan oblysynda polıtsııa adasyp ketken balyqshyny izdep tapty, dep habarlaıdy QazAqparat.
Oblystyq ІІD baspasóz qyzmetiniń málimetinshe, orman ishinde kóp júrgen polıtseıler - Rýslan Mujybaev pen Andreı Bondarenko Kamyshlovo aýylynyń tusynan adasyp ketken er adamdy tapqan.
«Er adam óte sharshapty. Ol buzylyp qalǵan kóliginen 30 shaqyrym alystap ketken. Úsh kún adasyp júrgende ol uıyqtaı almaǵan, sebebi jaýynan keıin ormannyń ishinde tynyǵatyn qurǵaq jer bolmaǵan. Er adam óte álsirep qalǵan, onyń ústine ol taıaýda ǵana ınsýlt alǵan», - dep málim etti baspasóz qyzmetindegiler.
R. Mujybaevtyń aıtýynsha, adasyp ketken adam buryn tabıǵat aıasyna jıi baratyndyqtan sondaǵy biletin daǵdylary kómekke kelgen.
55 jastaǵy Petropavl turǵyny Qyzyljar aýdanyndaǵy Ploskoe kólinen balyq aýlamaqqa attanǵan. Alaıda jolda kóligi buzylyp qalady. Ol jaqyn aýyldyń birine jaıaý jetpek bolady, biraq baǵytynan jańylyp qalady.
«Kelesi kúni onyń dosy izdeı bastady. Ol balyqshymen telefon arqyly tildesken. Alaıda ol baılanys aıasynan tys jerge ketip qalǵan. Osydan keıin ol telefonmen birneshe ret baılanysqa shyqty, alaıda birkelki orman ishi ony tabýǵa kómektespedi. Keıin adasyp qalǵan adamnyń telefonynyń qýaty bitti», - deıdi baspasóz qyzmetindegiler.
Bastapqyda izdeý TJD jumystaryna qutqarýshylar kiristi, alaıda olardyń qataryna polıtseıler de qosyldy. Aýdandyq ІІB Jergilikti polıtsııa qyzmetiniń ýchaskelik ınspektorlary, qutqarýshylar jáne oblystyq ІІD-nen kelgen qyzmetkerlerden izdeý toptary jasaqtalǵan.
Eske sala ketsek, jyl basynan beri óńirde 33 adam joǵalyp ketken, sonyń 27-i tabyldy.
