SQO turǵyny mas kúıde tanysynyń kóligin aıdap áketken
PETROPAVL. QazAqparat – Soltústik Qazaqstan oblysynda aýyl turǵyny mas kúıde tanysynyń kóligin minip ketken, dep habarlaıdy QazAqparat tilshisi.
SQO polıtsııa departamenti baspasóz qyzmetiniń málimetinshe, Aqqaıyń aýdany polıtsııa bóliminiń qyzmetkerleri Smırnov eldi mekenin patrýldeý barysynda kóshede «Volkswagen Passat» avtokóligin baıqaıdy. Polıtseılerdi kórgen júrgizýshi kólik shamdaryn sóndirip, úı aýlarynyń birinde jasyrynýǵa tyrysqan. 34 jastaǵy jergilikti turǵyn rýlge mas kúıde
otyrǵan, ony medıtsınalyq kýálandyrý rastady.
Tekserý barysynda «Volkswagen» avtokóligi onyń tanysyniki bolyp shyqty. Kólik ıesi spırttik ishimdik ishken soń, mashınaǵa otyrmaı, ony aýlaǵa qaldyryp ketken. Al mas dosy kólikpen «serýendemekshi» bolǵan.
Atalǵan fakti Sotqa deıingi tergep-tekserýdiń biryńǵaı tizilimine «Avtomobıldi nemese ózge de kólik quralyn jymqyrý maqsatynsyz quqyqqa syıymsyz ıelenip alý» baby boıynsha engizildi.
«Er adam mas kúıde kólik basqarǵany úshin ákimshilik sotpen 15 táýlikke qamaldy jáne 7 jylǵa kólik quralyn basqarý quqyǵynan aıyryldy. Mas júrgizýshilerdi anyqtap, olardyń qatysýymen bolatyn jol-kólik oqıǵalarynyń aldyn alý maqsatynda turaqty negizde reıdtik is-sharalar júrgiziledi. Jalpy jyl basynan aýdanda kólikti mas kúıde basqarǵany úshin 22 adam ustaldy», - deıdi aýdandyq polıtsııa bóliminiń bastyǵy Rýslan Saparov.
