SQO turǵyny kóne janýardyń súıegin taýyp aldy
PETROPAVL. QazAqparat - Petropavl turǵyny Aleksandr Remshov Ertis ózeniniń jaǵasynan muz dáýirinde ómir súrgen janýardyń súıekterin taýyp aldy, dep habarlaıdy QazAqparat tilshisi.
Qala turǵyny Aleksandr Remshov balyq aýlaýǵa barǵanda Qyzyljar aýdany Dolmatov aýylynyń tóńiregindegi ózen jaǵasynan úlken súıekter taýyp alǵan.
Tarıh ǵylymdarynyń kandıdaty Anatolıı Pleshakov tabylǵan zattardy mamont faýnasy janýarynyń súıegi dep boljap otyr.
«Bul mamonttyń nemese júndi múıiztumsyqtyń moıyn omyrtqasy. Ne bolsa da, mamont faýnasyna jatatyn janýardiki. Olar bizdiń aýmaqta 40 myń jyl buryn tirshilik etken. Bul súıekter paleontologtardy qyzyqtyratyn shyǵar. Biz Dolmatovta qazba jumystaryn júrgizgenbiz. Bul sol jerden tabylǵan mamonttyń birinshi súıegi emes. ıAsnovkadan da tabylǵan (Esil aýdanyndaǵy eldi meken)», - dedi ǵalym.
Arheologtardyń aıtýynsha, muz dáýiriniń aldynda Soltústik Qazaqstan oblysynyń klımaty óte sýyq ári ylǵaldy bolǵan.
Qala turǵyny tabylǵan súıekterdiń sýretterin áleýmettik jelige jarııalaǵan. Ol bul zattardy tarıhı-ólketaný mýzeıine bermekshi.
