SQO turǵyny gaz ballonyndaǵy aqaý saldarynan kóz jumdy
ASTANA. QazAqparat - Soltústik Qazaqstan oblysynyń turǵyny gaz ballonyndaǵy aqaýdan shyqqan órtte kóz jumdy, dep habarlaıdy QazAqparat QR ІІM Tótenshe jaǵdaılar komıtetine silteme jasap.
«24 aqpan kúni 21:00-de órt sóndirý qyzmetine Soltústik Qazaqstan oblysy Sh.Ýálıhanov aýdanynyń Kishkenekól aýylyndaǵy jeke úıde órt shyqqany týraly habarlandy. Gaz ballonynyń redýktoryndaǵy aqaý saldarynan gaz aýamen aralasyp, onyń arty órtke ulasqan. Úıdegi jıhazdar órtengen, jalyn 12 sharshy metr aýdandy sharpyǵan», - delingen habarlamada.
Órt sóndirýshileri 21:37-de tilsiz jaýdy aýyzdyqtap, 21:56-da tolyqtaı sóndirdi. Apat kezinde kúıik shalǵan 1964 jylǵy er adam jedel járdem kóliginde qaıtys bolǵan.
Órtti sóndirýge Soltústik Qazaqstan oblysy tótenshe jaǵdaılar departamentiniń 5 qyzmetkeri jáne 2 tehnıkasy jumyldyrylǵan.
