SQO turǵyny áıelin pyshaqtap, úıin órtep jiberdi
PETROPAVL. QazAqparat - Qyzyljar aýdanyndaǵy Vıshnevka aýylynyń turǵyny óziniń azamattyq nekedegi áıelin pyshaqtap, úıin órtep jibergen, dep habarlaıdy «QazAqparat» HAA tilshisi SQO ІІD baspasóz qyzmetine silteme jasap.
Ótken demalys kúnderi Qyzyljar aýdanynyń tártip saqshlary 43 jastaǵy áıel adamnyń pyshaqtalý faktisi boıynsha oqıǵa ornyna jetkende, azamattyq nekede turyp jatqan erli-zaıyptylardyń úıleri órttenip jatqan.
«Polıtseıler Danııar Áýbákirovpen Syrymbet Janpeıisov úıge kirmekshi bolǵan kezde esiktiń ishten ilingenin baıqaıdy. Olar aýzy-muryndaryn moıyn oraǵyshtarymen tumshalap, úıge terezeni buzyp kiredi. Qoıý tútinge qaramastan, tártip saqshylary jerde es-tússiz jatqan azamatty dalaǵa alyp shyqty», - dep habarlaıdy vedomstvonyń baspasóz qyzmeti.
Azamattyq nekedegi áıelin aýyr jaralaǵan azamattyń ústinen qylmystyq is qozǵalyp, QR QK 106-baby boıynsha sotqa deıingi tergeý jumystary bastaldy.
Qys ortasynda baspanasyz qalǵan áıel men onyń balalaryna qazir jergilikti turǵyndar kómektesip jatyr eken. Áleýmettik jeli qoldanýshylary jerlesterine kómek qolyn sozýda.
