SQO turǵyny 25 jylqyny urlap, sonymen qaryzyn ótegen
PETROPAVL. QazAqparat – Soltústik Qazaqstan oblysynda 25 jylqyny urlady degen kúdikpen Sýlykól aýylynyń turǵyny qamaýǵa alyndy, dep habarlaıdy QazAqparat tilshisi.
SQO polıtsııa departamenti baspasóz qyzmetiniń málimetinshe, qarasha aıynyń sońynda Aıyrtaý aýdany Qaratal aýyly turǵynynyń 25 jylqysy joǵalǵan.
Túlik ıesiz, erkin jaıylyp júrgen. Birer kún aýyl turǵyny joǵalǵan jylqylaryn óz betimen izdeıdi, odan esh nátıje bolmaǵasyn aýdandyq polıtsııa bólimine júgingen.
Іzdeýge jedel kirisken polıtsııa qyzmetkerleri Sýlykól aýylynyń 45 jastaǵy turǵynynyń izine tústi. Jedel ýákilderdiń kúdigi rastaldy.
Tergeý barysynda baqtashy bolyp jumys isteıtin er adam Saryózek aýylynyń mańynda qaraýsyz júrgen jylqylardy kórgen. Aıdap áketip, onyń keıbirin soıyp, astanaǵa aparyp satqan.
18 jylqy sol aýdannyń turǵyndarynan alyndy, olardy kúdikti bereshektiń ornyna ákelip beripti.
«Mal urlyǵy» baby boıynsha sotqa deıingi tergeý júrip jatyr. Kúdikti qazir ızolıatorda qamaýda otyr. Ol 7 jyldan 12 jylǵa deıin bas bostandyǵynan aıyrylýy múmkin. Er adamnan 1 mln teńge alyndy, sondaı-aq ormannan urlanǵan 7 jylqynyń terisi tabyldy», - deıdi Aıyrtaý aýdanynyń polıtsııa bóliminiń bastyǵy Marat Serkeshev.
