SQO turǵyny 14,5 keli esirtkimen ustaldy
Soltústik Qazaqstan oblysy polıtsııa departamenti baspasóz qyzmetiniń málimetinshe, esirtki qylmysyna qarsy is-qımyl basqarmasynyń qyzmetkerlerine esirtki saýdagerine qatysty jedel aqparat túsken.
Petropavl mańyndaǵy aýyldardyń biriniń 57 jastaǵy turǵynyn ustaý maqsatynda jedel-izdestirý is-sharalary qolǵa alyndy. Nátıjesinde aqparat rastaldy. Er adam Astana jáne Bóketov kósheleriniń qıylysynda ustaldy. Qyzmettik-izdestirý ıtterin paıdalanǵan polıtseıler Volkswagen avtokóliginiń salonynan skotchpen oralǵan, úsh polıetılen paket salynǵan qapty tapty. Іshindegi ósimdik tektes zattyń, sot-hımııalyq saraptama, 14 kg 540 gramm keptirilgen marıhýana ekendigin kórsetti.
Atalǵan derek «Asa iri mólsherdegi esirtki, psıhotroptyq zattardy, sol tektesterdi ótkizý maqsatynsyz zańsyz daıyndaý, qaıta óńdeý, ıemdený, saqtaý, tasymaldaý» baby boıynsha Sotqa deıingi tergep-tekserýlerdiń biryńǵaı tizilimine engizildi. Ustalǵan kúdikti qamaýǵa alyndy, tergeý júrgizilip jatyr.
Er adam buryn esirtki satqany úshin eki ret sottalǵan. Sońǵy ret asa iri mólsherde esirtki satqany úshin 2008 jyly sottalǵan. Kolonııadan 2018 jyly bosap shyqqan.
SQO-da byltyr zańsyz aınalymnan 462 kg astam túrli esirtki zattary alyndy.
