SQO turǵyndarynyń tabıǵı ósimi eki esege kemidi
PETROPAVL. QazAqparat - Soltústik Qazaqstan oblysy turǵyndarynyń 50%-dan astamy aýyldyq jerlerde turady, dep habarlaıdy «QazAqparat» HAA tilshisi.
Statıstıka departamentiniń málimetinshe, 1 qyrkúıektegi kórsetkish boıynsha aımaqta 560 myń adam turady. 8 aıadaǵy turǵyndardyń tabıǵı ósimi 386 adamdy qurady. Byltyrǵy jyly osy kezeńde bul kórsetkish 686 adamǵa teń bolǵan. Jańa týǵandar sany 6,6%-ǵa azaıyp, 4916 adamdy qurady, ólim-jitim 1%-ǵa qysqardy.
Sońǵy 8 aıda 4530 soltústikqazaqstandyq qaıtys boldy. Statıstıka departamentiniń basshysy Marjan Nurjaýypovanyń aıtýynsha, turǵyndar arasynda ólim-jitimge kóp jaǵdaıda tynys alý organdary men qan aınalymy júıesindegi aýrýlary sebep bolyp otyr.
Aımaqta burynǵysynsha, kóshi-qonnyń teris saldosy baıqalady. Qańtar-tamyz aılarynda ol mınýs 3642 adamdy qurady.
Naqty derekterge qaraǵanda, oblysqa 16553 adam kóship kelip, 20195 adam kóship ketken. Kóship kelgenderdiń 4 146-sy - elimizdiń basqa aımaqtarynan kelgender, 500 - TML elderinen (Reseı jáne Tájikstan), 53 - álemniń basqa elderinen ( kóbinese Qytaı jáne Germanııa).
