SQO turǵyndarynyń 40 paıyzy ǵana qysqa qamdanyp, kómir túsirip aldy
Petropavl turǵyny ıÝrıı Adarıch birer kúnnen beri úıine kómir túsirip ala almaı álek. Oǵan qystap shyǵý úshin 5-6 tonna qatty otyn qajet. Temirjol tuıyǵyna kelip, Shubarkól kómirin tappaǵan ol bul joly da bos qaıtty.
«Byltyrǵy másele qaıtalanbasa eken. Qysta taǵy da kómirsiz qalmasaq eken dep tileımin. Bıyl erte qamdanbaq bolyp edim, biraq ákelinip jatqan kómirdiń kólemi az, talap áketip jatyr», - deıdi qala turǵyny.
SQO energetıka jáne turǵyn úı-kommýnaldyq sharýashylyǵy basqarmasynyń málimetinshe, óńir jylytý maýsymynda 419 tonna kómir paıdalanady, ázirge turǵyndardyń 40 % ǵana 170 myń tonnany túsirip alǵan.
«Óńirde kómir túsiretin 32 temirjol tuıyǵy bar. Onyń 4-ýi Petropavlda ornalasqan. Al qara otyndy satýmen 18 kásiporyn aınalysady. Qazir qoımalarda 21 myń tonna kómir jatyr, onyń 1350 tonnasy oblys ortalyǵynda. Sonyń 490 tonnasy Qarajyra, 560 tonnasy – Shubarkól jáne 300 tonnasy Ekibastuz ónimi. Baǵa ázirge ósken joq. Túrine balanysty 10 myń men 17,5 myń teńge aralyǵynda satylyp jatyr. Shubar-kól men Qarajyra 12-17,5 myń teńge aralyǵynda saýdalansa, Ekibastuz kómiriniń eń qymbaty 12,5 myń teńge turady», - deıdi basqarmanyń basshysy Baqyt Іlııasov.
Óńirdegi bıýdjettik mekemelerge jylytý maýsymyna 141 myń tonna kómir qajet. Qazir qazandyq arqyly jyltylatyn 604 bilim, 396 densaýlyq saqtaý, 167 mádenıet jáne 4 jumyspen qamtý nysany bar. Búginde olardyń 88 % otynmen qamtyldy. Qalǵandary kómirdi jetkizý boıynsha kásiporyndarmen kelisimshartqa otyrdy.
«Kelisimge baılanysty áleýmettik nysandarǵa kezeń-kezeńmen jetkiziledi. Qyrkúıek aıynyń ortasyna deıin, ıaǵnı jylytý maýsymy bastalǵanǵa deıin tolyq qamtylady. Al turǵyndarǵa arnalǵan kómir ákelinip jatyr. Qazirgi ýaqytta Petropavlǵa 210 tonna Shubakrkól, 1330 tonna Qarajyra kómiri kele jatyr. Jalpy, kómir óńirge jylytý maýsymy aıaqtalǵansha deıin jetkiziledi», - deıdi Baqyt Іlııasov.
