SQO turǵyndaryna sý basý qaýpi eskertildi
PETROPAVL. QazAqparat - Soltústik Qazaqstan oblysy tótenshe jaǵdaılar departamenti 18-19 naýryzdaǵy aýa raıyna baılanysty eskertý jarııalady, dep habarlaıdy QazAqparat tilshisi.
«Qazgıdromet» RMK málimetterine qaraǵanda, 18 naýryz kúni kúndiz 19 naýryz kúni túnde óńirdiń basym bóliginde jańbyr jáne qar jaýady. Keı jerlerde kóktaıǵaq bolyp, boran soǵady, tuman túsedi. Jel ońtústik-batystan sekýndyna 15-20 metr jyldamdyqpen soǵady, ekpini 23-28 m/s-qa deıin jetedi. 18 naýryzda aýa temperatýrasy 0-3 gradýs jyly bolady.
«18 naýryzda jaýyn-shashyn bolyp, keı jerlerde kúsheıýine jáne kún jylynýyna baılanysty erigen qar sýynyń shabyndyqtarǵa jaıylý qaýpi bar», - delingen habarlamada.
Búgin oblys ákimdiginde tótenshe jaǵdaılardan eskertý jáne joıý jónindegi komıssııanyń otyrysynda sý basý qaýpine daıyn turý máselesine arnalǵan otyrys ótti. Óńirde qar sýy asa kóp bolmaǵanmen, 1,5 metrge jetetin tońnan qaýip bolýy múmkin.
