SQO turǵyndaryna muz súńgisi men kóshege tastalǵan qoqys úshin aıyppul salynýda
PETROPAVL. QazAqparat - Petropavl polıtseıleri aınalany abattandyrý talaptaryn saqtaý boıynsha reıdterdi kúsheıtip jatyr, dep habarlaıdy «QazAqparat» HAA tilshisi.
Tártip buzýshylar týraly qala turǵyndarynyń ózderi de habar berýde. Soltústik Qazaqstan oblystyq ІІD qyzmetkerleri birneshe mınýt buryn ǵana senim telefonyna qaladaǵy mekemelerdiń biriniń shatyrynda qaýipti muz súńgileriniń jınalyp turǵany jaıly aqapart kelip túskenin aıtty.
«Byltyr osy ǵımarattyń shatyrynan qar kesekteri qulap, jerdegi kólikti búldirgen bolatyn. Olarǵa 20 AEK kóleminde aıyppul salynǵan»,-deıdi baspasóz qyzmeti.
Turǵyn úıdiń podezine birneshe ret qoqys tastaǵan adamǵa 72 myń teńge aıyppul salyndy.
Belgilenbegen jerge káriz sýyn tókken úsh avtotsısterna júrgizýshisine 30 AEK aıyppul salynǵan.
Jyl basynan beri Petropavl qalasynda kóshelerdi abattandyrý jáne tazalyq tártibin buzý faktileri boıynsha 1 myńnan astam ákimshilik hattama toltyrylǵan.
