SQO turǵyndaryna bıýdjet qarjysyn únemdeý usynyldy
PETROPAVL. QazAqparat - Petropavlda sybaılas jemqorlyqqa qarsy kúres máselesine arnalǵan kásipkerlerdiń oblystyq forýmy ótti, dep habarlaıdy QazAqparat.
Memlekettik qyzmet isteri jene sybaılas jemqorlyqqa qarsy kúres departamentiniń jetekshisi Ǵalym Tursynbaevtyń aıtýynsha, Soltústik Qazaqstan oblysy sybaılas jemqorlyqtan ada aımaqtardyń birinen sanalady. Soǵan qaramastan bul óńirde de másele joq emes.
«2015 jyldan beri jemqorlyqpen baılanysty táýekelderdi taldap kelemiz, bul rette kásipkerlik salasymen tikeleı baılanysy bar salalardy da nazardan tys qaldyrǵan joqpyz. Olardyń arasynda aýyl sharýashylyǵy, sanıtarlyq-epıdemıologııalyq qadaǵalaý men ózge de birqatar salalar bar»,-dedi Ǵ.Tursynbaev.
Sondaı-aq jıynda kásipkerler palatasy men departament arasynda yntymaqtastyq jóninde jol kartasy ázirlengendigi aıtyldy. Al jemqorlyqpen baılanysty táýekelder kásipkerlerdi tolǵandyryp otyrǵan 16 baǵyt boıynsha júrgiziledi. Aýyl sharýashylyǵy salasynda sharýa qojalyqtaryna bıýdjet qarjysyn bólý baǵytyndaǵy táýekelder anyqtaldy. ıA,nı Agrarlyq nesıe korporatsııasy arqyly nesıe rásimdeý úshin artyq qujattar talap etý jaǵdaılary baıqalǵan.
Jalpy alǵanda jol kartasy barysynda anyqtalǵan jemqorlyqpen baılanysty táýekelderdi joıý úshin 40-tan astam normatıvtik quqyqtyq aktiler daıyndalyp, olardyń 12-i qabyldanǵan.
SQO Kásipkerler palatasy dırektorynyń orynbasary Jeńis Qazıev jol kartasymen jumystardyń bıylǵy jyly da jalǵasatynyn jáne onyń bıznes jumysyn jetildirýge baǵyttalatynyn jetkizdi. Bul jumystar 5 baǵyt boıynsha júrgizilip, 16 shara atqarylady. Naqtyraq aıtqanda bolashaqta kásipkerlerge shekten tys kóp talap qoıý jaǵdaılary joıylyp, memlekettik organdardaǵy protsester avtomattandyrylyp, memlekettik qyzmetkerlerdiń jumys sapasy artady.
Forým barysynda Qoǵamdyq baqylaý kartasy jobasy tanystyryldy. Onyń talaptary boıynsha, bıýdjet qarjysyn úlestirýde qandaı da bir zańsyzdyqtary baıqaǵan kez-kelgen turǵyn memlekettik qyzmet isteri departamentine tikeleı shyǵa alady. Mysaly memlekettik baǵdarlama aıasynda jol qurylysy sapasyz júrgiziletin bolsa, ol týraly arnaıy ázirlengen WhatsApp nómirine habarlasýǵa bolady.
