SQO turǵyndaryna aptap ystyq bolatyny týraly eskertý jasaldy
PETROPAVL. QazAqparat - Soltústik Qazaqstan oblysynda aldaǵy eki kúnge eskertý jarııalandy, dep habarlaıdy QazAqparat tilshisi.
«Qazgıdromet» RMK deregi boıynsha, 17-18 shildede óńirde aýa temperatýrasy 25-30, keı jerlerde 33 gradýsqa deıin ystyq bolady. Órt qaýpi joǵary bolýy múmkin. Tótenshe jaǵdaılar departamenti orman órtiniń qaýpi baryn eskertti.
Jyl basynan beri Soltústik Qazaqstan oblysynda 11 orman órti boldy. Bul ótken jylǵy kórsetkishpen salystyrǵanda, eki ese kóp.
