SQO turǵyndary ruqsatsyz saýda jasaǵandary úshin jazalanýda
PETROPAVL. QazAqparat - Soltústikqazaqstandyq polıtseıler qalalyq ákimdiktiń qyzmetkerlerimen birlesip, abattandyrý erejelerin buzýdyń aldyn alý boıynsha reıdter ótkizip júr, dep habarlaıdy QazAqparat tilshisi.
Іshki ister departamentiniń málimetinshe, tártip saqshylary ruqsat etilmegen jerde saýda jasaýdy, turǵyn úılerdiń mańaıyndaǵy qoqys úıindileri men aram shóp basyp ketken jerlerdi tekserdi.
Jergilikti polıtsııa qyzmeti basshysynyń mindetin atqarýshy Arystan Sultanǵazıevtiń aıtýynsha, jeke de, zańdy da tulǵalarda tekserilgen. Jyl basynan beri abattandyrý erejelerin buzýǵa qatysty 5,8 myń derek tirkelgen. Mundaı jaǵdaıda eskertý jasalady nemese jeke tulǵalarǵa 20 aılyq eseptik kórsetkish kóleminde aıyppul salynady.
Ǵımarattarynyń aldyndaǵy tártipti baqylamaıtyn, aýmaqty kórkeıtýmen aınalyspaıtyn kásiporyn ıelerine qatysty 17 hattama toltyryldy.
Ruqsat etilmegen saýda núkteleri ornalasqan jerlerde jaǵdaı tipten múshkil. Saýdagerler bazarlarda saýda jasaýdan qashqaqtap, sút jáne saıajaı ónimderin satýǵa arnap, ózderi tańdap alǵan buryshtardan ketetin oılary joq.
Jyl basynan beri polıtseıler ruqsat etilmegen jerde saýdamen aınalysý boıynsha 11 faktini tirkegen. Tártip saqshylary saýdagerlermen áńgime júrgizgennen keıin eskertý jasaıdy. Sondaı-aq, 5 aılyq kórsetkish kóleminde aıyppul salý túrindegi zańmen qarastyrylǵan jazany qoldanýǵa bolady.
