SQO turǵyndary kólik nómirine ınıtsıaldaryn qoıyp jatyr
PETROPAVL. QazAqparat - Bıyl Soltústik Qazaqstan oblysynyń 8 turǵyny óz avtomobıline «ádemi» nómir satyp aldy, dep habarlaıdy «QazAqparat» HAA tilshisi.
SQO ІІD baspasóz qyzmetindegiler sol segiz nómirdiń jalpy somasy 3 mıllıon teńgeden asqanyn aıtty. Sonyń tórteýinde turǵyndar «HHH», «TTT» serııalaryn jáne óz ınıtsıalyn qoıǵandy jón sanaǵan.
SQO ІІD tirkeý-emtıhan jumystary bóliminiń bastyǵy Sergeı Gızbreht teriskeılikter arasynda «015» nómiri tanymal ekenin aıtyp, muny óńirdiń nómirimen baılanysty dep túsindirdi.
«Biraq bul nómir suranys joǵary nómirlerdiń tizimine kirmeıdi, sondyqtan oǵan tapsyrys berýge bolmaıdy. Tek birkelki árip tańdaý jaǵynan, aıtalyq, eger avtomobıl ıesi «015TTT15» nómirine tapsyrys berse - eshqandaı qıyndyq týyndamaıdy», - deıdi Sergeı Gızbreht.
100, 111, 200, 222, 300, 333, 400, 444, 500, 555, 600, 666, 700, 800, 888, 900, 999 nómirlerin alý úshin avtomobıl ıesi 137 AEK nemese 329 485 teńge tóleıdi. Osy nómirlerdi birkelki árip belgilerimen birge satyp alamyn deıtinder 194 AEK tóleýi qajet. 001, 002, 003, 004, 005, 006, 007, 008, 009, 777 nómirlerine 548 myń teńgeden kóbirek, al birkelki áriptermen birge alý úshin 685 myń teńgeńizdi qııasyz.
