SQO turǵynynyń 250 myń dollaryn aldap alǵan astanalyqqa úkim shyqty

ASTANA. KAZINFORM - Astana qalasynyń qylmystyq ister jónindegi mamandandyrylǵan aýdanaralyq soty elorda turǵyny S.J.Ábdikárimovke qatysty úkim shyǵardy.

«Ol Soltústik Qazaqstan oblysynda jer qoınaýyn paıdalanýǵa kelisimshart jasasqany úshin memlekettik organdardyń joǵary laýazymdy tulǵalaryna beremin dep 250 myń AQSh dollary somasynda alaıaqtyq jasaǵany jáne para berýge ıtermelegeni úshin kináli dep tanyldy.

Sot úkimimen oǵan memlekettik qyzmette jáne kvazımemlekettik sektor sýbektilerinde qyzmet atqarý quqyǵynan ómir boıyna aıyra otyryp, 12 jyl bas bostandyǵynan aıyrý jazasy taǵaıyndaldy», — dep jazdy Antıkordan.

Sot úkimi zańdy kúshine engen joq.

Konstıtýtsııanyń 77-baby 3-tarmaǵynyń 1-tarmaqshasyna jáne Qylmystyq-protsestik kodekstiń 19-baby 1-bóligine sáıkes, qylmystyq quqyq buzýshylyq jasaýdaǵy kinási sottyń zańdy kúshine engen úkimimen belgilengenge deıin árbir adam kinásiz dep esepteledi.

Eger Siz jemqorlyq faktilerine tap bolsańyz, 1424 nómiri arqyly nemese @antikorkz_bot Telegram-boty shuǵyl habarlańyz.