SQO turǵynynan sırek kezdesetin kóne myltyq tabylyp, tárkilendi
PETROPAVL. KAZINFORM – Soltústik Qazaqstan oblysynyń turǵyny eski kınolardan ǵana kórýge bolatyn myltyqty úıinde zańsyz saqtap kelgen.
SQO polıtsııa departamenti baspasóz qyzmetiniń málimetinshe, tártip saqshylary «Mal urysy» jedel-profılaktıkalyq is-sharasy aıasynda Aqqaıyń aýdanynda reıd júrgizgen. Polıtseıler aýyl turǵynynyń úıgen shóbiniń arasynan tegis uńǵyly tirkelmegen eki ańshy myltyǵyn taýyp aldy.
Olardyń biri búginde sırek kezdesetin Berdan myltyǵy bolyp shyqty. Qarýdyń bul túrin keńestik kınofılmderde partızandardyń qolynan kórýge bolady. XIX ǵasyrda Berdan vıntovkalaryn áskerde qoldandy. Keıin bul vıntovkalar Týla qarý zaýytynda bytyramen atýǵa bolatyndaı etip zaýyttyq tásilmen ózgertildi.
Sarapshylardyń baǵalaýynsha, aqqaıyńdyq turǵynnyń myltyǵy 1935 jylǵa deıin jasap shyǵarylǵan.
Er adam kóne myltyqty arǵy atasy paıdalanǵanyn aıtty. Alaıda otbasylyq rarıtet qarýdy tapsyrýǵa týra keldi. Budan bólek, tirkelmegen myltyqty saqtaǵany úshin ákimshilik jaýapkershilikke tartyldy.
Tártip saqshylary muraǵa qalǵan qarýdy tirkeýdi nemese polıtsııaǵa óz erkimen tapsyrý kerektigin eske salady.
11 naýryzda bastalǵan «Mal urysy» jedel-profılaktıkalyq is-sharasy barysynda polıtseıler SQO-da zańsyz saqtalǵan 15 dana qarýdy tárkiledi.
Buǵan deıin Shymkentte kýrerden 1 kılogramm esirtki tabylǵanyn jazdyq.