SQO turǵyny kóligine jalǵan nómir taǵyp, shekaradan ótpek boldy
PETROPAVL. KAZINFORM – Soltústik Qazaqstan oblysy Maǵjan Jumabaev aýdanynyń turǵyny kóligine jalǵan memlekettik nómir taqqany úshin jazalandy.
SQO sotynyń málimetinshe, sot otyrysynda P. óz kinásin tolyq moıyndady. Onyń aıtýynsha, buǵan deıin ıeliginde bolǵan kóligi isten shyǵyp, ornyna dál sondaı markaly, biraq Reseı esebinde turǵan basqa kólikti satyp alǵan. Ony Qazaqstanda ýaqtyly tirkemegendikten, jańa avtomobılge burynǵy kóliginiń qazaqstandyq memlekettik tirkeý nómirin taqqan.
Aýdan turǵynynyń jalǵan nómirmen júrgeni shekaradan ótpek bolǵanda ǵana anyqtaldy.
Shekarashylar birden quqyq qorǵaý organdaryna habar berip, ákimshilik is qozǵaldy.
Sottyń qaýlysyna sáıkes, P. úsh táýlikke ákimshilik qamaýǵa alyndy jáne bir jyl merzimge kólikti júrgizý quqyǵynan aıyryldy.
Qaýly zańdy kúshine endi.
Buǵan deıin ondaǵan avtokólik utysyn oınatqan blogerdiń isi sotqa jetkenin jazǵan edik.
