SQO turǵyny elektroshoker úshin ákimshilik jazaǵa tartyldy

PETROPAVL. KAZINFORM — Soltústik Qazaqstan oblysynda elektroshokerdi ishki ister organdarynda tirkemegeni úshin er adam aıyppul tóledi. 

SQO sotynyń málimetinshe, Ýálıhanov aýdandyq soty QR Ákimshilik quqyq buzýshylyq týraly Kodeksiniń 482-babynyń 1-bóligi — «Jeke jáne zańdy tulǵalardyń qarýdy zańsyz satyp alýy, berýi, ótkizýi, saqtaýy, alyp júrýi, tasymaldaýy» boıynsha B. esimdi er adamǵa qatysty ákimshilik isti qarady.

Іs materıaldarynan belgili bolǵandaı, shekaralyq baqylaý jasaǵy B.-nyń basqarýyndaǵy «Lexus RX350» markaly avtokólikti teksergen. Kólikten ishki ister organdarynda tirkelmegen elektrlik qarý-elektroshoker-fonar tabylyp, tárkilendi.

Ýálıhanov aýdandyq sotynyń qaýlysymen B. ákimshilik quqyq buzýshylyq jasaǵany úshin kináli dep tanyldy. Elektroshoker-fonar tárkilenip, keıinnen joıyldy. Er adam 20 AEK mólsherinde aıyppul túrinde ákimshilik jazaǵa tartyldy, bul 74 myń teńge shamasynda.

Sot qaýlysy zańdy kúshine endi.

Buǵan deıin SQO-nyń eks-ákimi alaıaqtyq úshin sottalǵanyn jazǵan edik.