SQO trassasynda arnaıy tehnıkaǵa eki kólik soqtyǵysyp, 5 adam zardap shekti

ASTANA. QazAqparat – Soltústik Qazaqstan oblysynda eki jeńil kólik jol tazartyp júrgen arnaıy tehnıkamen soqtyǵysty, 5 adam zardap shekti, dep habarlaıdy QazAqparat Rolisia.kz-ke silteme jasap.

«16 naýryz kúni Soltústik Qazaqstan oblysynyń Maǵjan Jumabaev aýdany tusynda, «Chelıabi-Novosibir» avtojolynyń 609-shaqyrymynda Volkswagen Caravelle, Lada Granta kólikteri men jol ústin qardan tazartyp júrgen Ýral arnaıy tehnıkasy soqtyǵysyp qaldy.
Jol-kólik oqıǵasy saldarynan 5 adam zardap shekti: Ýral, Volkswagen Caravelle avtokólikteriniń júrgizýshileri jáne Volkswagen Caravelle, Lada Granta jolaýshylary. Barlyq zardap shekkenderge medıtsınalyq kómek kórsetildi», - dep habarlady polıtsııadan.

Málim etilgendeı, qazirgi ýaqytta polıtseıler qajetti saraptamalardy taǵaıyndaý jáne protsessýaldyq sheshim qabyldaý úshin materıal jınap jatyr.