SQO: Tımırıazev aýylynyń ákimi para aldy degen kúdikke ilikti

NUR-SULTAN. QazAqparat – Soltústik Qazaqstan oblysynyń Tımırıazev aýyldyq okrýginiń ákimi para aldy degen kúdikke ilikti, dep habarlaıdy QazAqparat QR Sybaılas jemqorlyqqa qarsy is-qımyl agenttiginiń baspasóz qyzmetine silteme jasap.

Agenttiktiń Soltústik Qazaqstan oblysy boıynsha departamenti aýyldyq okrýg ákiminiń para alǵanyn anyqtady.

Ol Tımırıazev aýdanynyń Ortalyq aýrýhanasynyń juqpaly aýrýlar bóliminiń ákimshilik ǵımaratyn buzýǵa tosqaýyl bolmaýy úshin K. esimdi azamattan 100 myń teńge para aldy degen kúdikke ilikken. Olar o basta 200 myń teńgege kelisken.

Qazir tergep-tekserý júrip jatyr.

Kúdiktiniń qanshalyqty aıypty ekeni týraly sońǵy sheshimdi sot shyǵarady.