SQO:Terrorıstik turǵyda osal 707 nysannyń jartysynan astamy – bilim mekemeleri
SQO polıtsııa departamenti baspasóz qyzmetiniń málimetinshe, 6 mamyrda antıterrorlyq qyzmetti retteıtin zańnamaǵa ózgerister engizildi. Osyǵan oraı SQO PD Ekstremızmge qarsy is-qımyl basqarmasynyń qyzmetkerleri 29 qyrkúıek pen 4 qazan aralyǵynda bilim berý mekemeleri ókilderimen onlaın-kezdesýler ótkizdi. Oqý oryndarynyń barlyǵy terrorıstik turǵydan osal nysandar qataryna jatady.
Onlaın kezdesý barysynda polıtsııa qyzmetkerleri osy zańnyń mańyzdy aspektilerin egjeı-tegjeıli jetkizip, barlyq bilim berý oryndaryna qatysty talaptardy jetkizdi. Sonyń biri - «dabyl baspasynyń» bolýy. Budan basqa polıtsııa qyzmetkerleri daǵdarys jaǵdaıy týyndaǵan sátte qyzmetkerlerdiń is-áreketteri týraly bilimdi nyǵaıtý úshin qabyldanýy qajet aldyn alý sharalary týraly aıtty.
Mamandardyń aıtýynsha, SQO-da terrorıstik turǵyda osal 707 nysan bar, onyń 377-si bilim berý mekemeleri. Qaýipsizdikti qamtamasyz etý úshin bul nysandarǵa birqatar talaptar qoıylǵan. ıAǵnı bilim berý mekemeleri beınebaqylaý kameralarymen qamtylyp, baqylaý-ótkizý pýnktin ornatýy qajet. Sondaı-aq, habardar etý qurylǵysynyń bolýy da mindetti.
«Oqý oryndaryndaǵy balalardyń qaýipsizdigin qamtamasyz etý – bizdiń birinshi kezektegi mindetimiz. Jyl basynan beri osy nysandardyń basshylary jáne qyzmetkerlerimen barlyǵy 73 kezdesý ótkizildi, dálirek aıtqanda 6 myńnan astam qatysýshyny qamtydyq»,- deıdi SQO PD ekstremızmge qarsy is-qımyl basqarmasynyń bastyǵy Rýslan Jarasbaev.
