SQO Tájikstan men Aýǵanstanǵa jumyrtqa eksporttaıdy
PETROPAVL. QazAqparat - Soltústik Qazaqstandaǵy qus fabrıkasy Tájikstan men Aýǵanstanǵa jumyrtqa eksporttaıdy, dep habarlaıdy «QazAqparat» HAA tilshisi.
Óńirlik kommýnıkatsııalar qyzmetiniń habarlaýynsha, Taıynsha qus fabrıkasy jýyq arada osyǵan qatysty kelisimge qol qoıady.
Fabrıkanyń bas tehnologi Qanat Júsipbekov kelisimniń sharttaryn oryndaý úshin ónimdilik arttyrylady.
«Kásiporyn jylyna 146 mıllıon dana jumyrtqa shyǵarady. 2017 jyly 11,8 mıllıon dana óndirgen bolatynbyz, al ústimizdegi jyldyń 4 aıynda ónimdilik 27,5 mıllıon danaǵa jetti. Aldaǵy ýaqytta óndimdilikti arttyrýdy josparlap otyrmyz. Birinshi kezeńde 150 mıllıonǵa jetkizsek, ekinshi kezeńde 200 mıllıonnan asyramyz», - deıdi Q. Júsipbekov.
Fabrıkada taýyqtar kúnine 180 myń dana jumyrtqa basady.
«Biz ónimdi Soltústik Qazaqstan, Qaraǵandy, Batys Qazaqstan, Pavlodar oblystaryna jáne Astana qalasyna satamyz, sondaı-aq Reseıge de eksporttaımyz. Qazirgi kezde Tájikstan jáne Aýǵanstan elderimen kelisim jasasý ústindemiz», - deıdi Q. Júsipbekov.
Aıta keteıik, qus fabrıkasy sońǵy jyldary toqyraýǵa ushyraǵan bolatyn. 2017 jyldyń sáýirinde saýdaǵa túsken kásiporyn jańǵyrtylyp, 100-den astam jańa jumys orny ashylǵan.
