SQO: Taıynsha aýdanynyń shalǵaı aýyldarynda «Medıtsına jaqyn» aktsııasy ótti
Sáýirdiń 23-i men mamyrdyń 6-sy aralyǵynda elimizdiń barlyq óńirlerinde «Medıtsına jaqyn» aktsııasy ótip jatyr. Іs-sharany Densaýlyq saqtaý mınıstrligi uıymdastyrdy. Maqsat - emhanasy, tipti, dárigeri joq shalǵaıdaǵy aýyldarǵa bilikti mamandardy jiberip, alystaǵy aǵaıynnyń densaýlyǵyn tekserý, medıtsınalyq kómek pen keńes berý.
SQO Densaýlyq saqtaý basqarmasy baspasóz qyzmetiniń habarlaýynsha, Taıynsha aýdanaralyq aýrýhanasynyń dárigerleri aýdan ortalyǵynan 100 shaqyrymdaı qashyqta ornalasqan Tıhookean aýyldyq okrýgine sapar shekti. Brıgada quramynda mobıldi EKG, zerthana men jyljymaly rentgendik flıýrografııalyq transport jáne akýsher-gınekolog, hırýrg, pedıatr, nevropatolog, oftalmolog jáne jalpy praktıka dárigeri - barlyǵy 13 maman bar. Olar halyqqa em-dom jasap qana qoımaı, tegin medıtsınalyq qyzmet kórsetý men mindetti áleýmettiń medıtsınalyq saqtandyrý aıasynda qandaı kómek qoljetimdi bolatyny jaıly aqparat berdi.
«Tegin qan tapsyrdyq, qan qysymymyzdy ólshep berdi. Apparattarǵa tústik.
Mamandardan dári-dármek jazdyryp, keńes aldyq. Árıne, óte rızamyz kelgenderine. Óıtkeni, aýrýhanaǵa arnaıy barýǵa ýaqyt ta, qarajat ta bola bermeıdi», - deıdi turǵyndar.
Dárigerler aýyldyq medıtsınalyq pýnkt pen mektepke ornalasyp, turǵyndardy qabyldady. Sondaı-aq júrip-tura almaıtyn 6 naýqas pen jańa bosanǵan jas ananyń úıinde boldy.
«Jalpy tańerteń saǵat 9-dan túski ekige deıin 263 adamdy qabyldap úlgerdik. Turǵyndar kóbine nevropotologke kóp qabyldanǵan jáne jalpy praktıkalyq dárigerge qaralǵan. Arasynda balalar óte kóp. Býyn aýrýlaryn anyqtadyq jáne bir turǵynda baýyrynda isigi bolýy múmkin degen dıagnoz qoıylyp, ol adam aýdan ortalyǵyna tekserilýge jiberildi», - deıdi Taıynsha aýdanaralyq aýrýhanasynyń bas dárigeri Bátes Latıf.
«Medıtsına jaqyn» respýblıkalyq aktsııasy oblystyń basqa eldimekenderin de qamtymaq.
