SQO: Taıynsha aýdanynda bir adam órtten qaza tapty
PETROPAVL. QazAqparat - SQO Taıynsha aýdany Petrovka eldi mekeninde úı órtenip, 52 jastaǵy er adam qaza tapty, dep habarlaıdy QazAqparat tilshisi.
Órt jaıynda habar naýryzdyń 12-si kúni túski bir jarymdar shamasynda túsken. Oqıǵa ornyna órt sóndirýshiler jetken kezde sabannan jasalǵan úı lapyldap janyp jatyr eken. Tlsiz jaýdy aýyzdyqtaýǵa 1 tehnıka men 3 órt sóndirýshi jumyldyryldy. . Úıden er adamnyń jansyz denesi tabyldy.
Órttiń jalpy aýmaǵy - 7 sharshy metr. Baspananyń qabyrǵasy búlinip, tóbesi janyp ketti. Aldyn ala boljam boıynsha órt - elektr symdarynyń qysqa tuıyqtalýynan shyǵýy múmkin.
Mamandardyń aıtýynsha, dál osy úı osydan alty jyl buryn da jalynǵa oranǵan eken. Ol joly úı ıesi mas kúıinde shylym shegip, arty órtke ulasqan. Al aqpan aıynda órt sóndirýshiler osy eldimekende úı-úıdi aralap, sonyń ishinde qaza tapqan turǵynmen de kezdesip, órt qaýipsizdigi boıynsha nusqaýlyqtar bergen.
Jalpy, SQO-da jyl basynan beri 130 órt tirkelip, 9 adam mert boldy, 6-y túrli dene jaraqatyn aldy.
