SQO: Taıynsha aýdanynda 50 úıdi sý basyp, 60 turǵyn evakýatsııalandy (FOTO)
ASTANA. QazAqparat - Soltústik Qazaqstan oblysy Taıynsha aýdanyna qarasty Donetskoe aýylynyń eki shetki kóshesin sý basty. Qardyń sýy shamamen 50 úıdiń aýlasyn alyp ketken. Bul týraly QazAqparat tilshisine QR ІІM Tótenshe jaǵdaılar jónindegi komıtettiń resmı ókili Rýslan Imanqulov málim etti.
«Shamamen 50 úıdiń aýlasyn sý basqan. Jergilikti atqarýshy organ 22 úıden barlyǵy 66 adamdy evakýatsııalady. Halyq aýyldaǵy orta mekteptiń ǵımaratyna evakýtsııalandy»,-dep habarlady R.Imanqulov.
Resmı ókildiń aıtýynsha, qarǵyn sýdy tehnıka sorǵyzyp jatyr. Aýyldaǵy tótenshe jaǵdaıdy joıýǵa oblystyq TJD-nyń «Órt sóndirý jáne apatty-qutqarý qyzmeti» mekemesi men «Jedel qutqarý otrıady» mekemesi jumyldyrylǵan.
Sondaı-aq, aýylǵa aýdandyq ishki ister bóliminiń alty kóligi, SQO TJD men aýdandyq ishki ister bóliminiń 42 qyzmetkeri jiberilgen.
Tótenshe jaǵdaıdy joıý jónindegi jumystardy baqylaý-úılestirýdi SQO TJD basshysy óz moınyna alǵan. 
