SQO taýar óndirýshileri alǵash ret óz ónimderin Almatydaǵy aýyl sharýashylyǵy jármeńkesinde usyndy
ALMATY. 8 qazan. QazAqparat - Ótken demalys kúnderi Almatyda Jambyl, Ońtústik Qazaqstan, Soltústik Qazaqstan oblystary taýar óndirýshileri men Almaty qalasyndaǵy ónerkásip kásiporyndarynyń aýyl sharýashylyǵy jármeńkesi bolyp ótti.
Bul týraly qala ákiminiń baspasóz qyzmetinen habarlaıdy.
«Astana» alańynda óz taýarlaryn úsh oblys, 26 aýdan, eki qala, sondaı-aq úsh áleýmettik-kásipkerlik korporatsııasy: «Soltústik», «Taraz» jáne «Almaty» usyndy.
Assortımentte ónimderdiń 60-tan astam ataýy boldy. Onyń jalpy kólemi - 385 tonna, sonyń ishinde et ónimderi - 80 tonna, kartop - 83 tonna, kókónis-jemister - 126 tonna, sút ónimderi - 34 tonna, balyq - 2 tonna, shujyq ónimderi - 15 tonna, qant - 1 tonna, kúrish - 12 tonna, un ónimderi - 32 tonna.
Pavılondardy qarap shyqqan Almaty ákimi Ahmetjan Esimov uıymdastyrýshylardyń jármeńkeni ótkizýdiń basty mindeti - qalalyqtarǵa azyq-túlikti bazardaǵy baǵalardan tómen baǵamen satýdy iske asyrýǵa nazar aýdardy. Almatylyqtar et, kókónister, sút jáne taǵy basqany 15-20 paıyzǵa arzanyraq ala aldy.
Barlyǵy 250 mıllıon teńgege ónimder ákelindi.
