SQO tas jolynda júkti áıel mingen jedel járdem kóligi aýdaryldy
PETROPAVLOVSK. QazAqparat – Soltústik Qazaqstan oblysynda júkti áıeldi áketip bara jatqan jedel járdem jol apatyna ushyrady, dep habarlaıdy QazAqparat Polisia.kz-ke silteme jasap.
Jol-kólik oqıǵasy Qyzyljar aýdany Peterfeld aýylynyń mańynda búgin tańerteń oryn aldy. Jedel járdem avtokóligi oblys ortalyǵyna qaraı ilespe baǵytta kele jatqan Audi avtokóligimen soqtyǵysqan.
Jol-kólik oqıǵasy saldarynan jedel járdem jolaýshysy zardap shegip, jeńil avtokóliktiń eki jolaýshysy aýrýhanaǵa jatqyzyldy. Sondaı-aq jedel járdemniń 28 jastaǵy júkti jolaýshysy medıtsına mekemesine shuǵyl jetkizildi. Júkti áıel búgin tańerteń perınataldyq ortalyqqa emdeýge jatqyzylmaq bolǵan.
Oqıǵa ornyna Qyzyljar aýdandyq polıtsııa bóliminiń jedel-tergeý toby shyqty. Sotqa deıingi tergeý aıasynda polıtsııa qyzmetkerleri jol-kólik oqıǵasynyń mán-jaıy men sebepterin anyqtaýy kerek. Birqatar qajetti saraptamalar taǵaıyndaldy.
