SQO sý tasqynyna qarsy qorǵanysty kúsheıtip jatyr
ASTANA. KAZINFORM — SQO sý tasqynyna qarsy qorǵanysty kúsheıtýde: negizgi ýchaskelerde jumystar bastaldy. bul týraly TJM habarlady.
Soltústik Qazaqstan oblysy TJD bastyǵy Petropavl qalasynyń ákimimen birlesip, qala mańyndaǵy jer úıindilerin nyǵaıtý jáne ınertti materıaldar daıyndaý jumystary júrgizilip jatqan ýchaskelerdi aralap shyqty. Sapar barysynda olar jumystardyń qazirgi barysyn baǵalap, eldi mekenderdi qorǵaý boıynsha aldaǵy sharalardy aıqyndady.
Óńirde TJM áskerı qyzmetshileriniń qatysýymen sý tasqynyna qarsy belsendi is-sharalar júrgizilýde. Negizgi nazar qap daıyndaýǵa jáne sýdyń kóterilýin tejeýge, sý basýdyń aldyn alýǵa múmkindik beretin qorǵanys shepterin qurýǵa aýdarylýda.
Petropavl qalasy men Qyzyljar aýdanynda №28237 áskerı bóliminiń kúshimen ınertti materıalmen toltyrylǵan myńdaǵan qap daıyndaldy. Olar bógetterdi nyǵaıtýǵa paıdalanylyp, turǵyndardyń qaýipsizdigin jáne ınfraqurylymnyń saqtalýyn qamtamasyz etedi.
Aıta ketelik TJM sý tasqynynyń aldyn alý úshin muz jarý jumystaryn jalǵastyryp jatyr.