SQO sınoptıkteri naýryz aıynyń aýa raıy boljamyn usyndy
PETROPAVL. QazAqparat - Soltústik Qazaqstan oblysynda naýryzdaǵy ortasha aýa temperatýrasy -7-9 gradýs nólden tómen, dep habarlaıdy QazAqparat tilshisi.
Kóktemniń alǵashqy aıyna aýa raıy boljamyn «Qazgıdromet» RMK oblystyq bólimshesi basshysynyń orynbasary Natalıa Levına aıtty.
Naýryzdyń alǵashqy kúnderi óńirde aıaz bolady. 2 naýryzda túnde aýa temperatýrasy mınýs 20 gradýsqa deıin túsedi. Kúndiz -2-7 gradýs, keı jerlerde -10 gradýsqa deıin salqyn bolady.
3 naýryzda óńirde kún jylynyp, -3 pen +2 gradýstyń aralyǵynda bolady. Aýa temperatýrasy túnde 0-5 gradýs aıaz bolady. Jańbyr jaýyp, burqasyn soǵady jáne tuman túsedi. Ońtústik batystan soǵatyn jeldiń jyldamdyǵy sekýndyna 23-28 metrge deıin jetedi.
5-7 naýryz aralyǵynda qar jaýyp, túnde mınýs 16 gradýs, kúndiz -3 gradýs aıaz bolady.
«Ekinshi onkúndiktiń basynda aýa temperatýrasy túnde 12-17 gardýs, keı jerlerde 20, kúndiz 5-10 gradýs aıaz bolady. Keıin birte-birte tempperatýra kóteriledi. Úshinshi onkúndikte aýa temperatýrasy túnde 10-15, keı jerlerde 5 gradýs aıaz bolsa, kúndiz 0-5 gradýs, keı jerlerde 10 gradýs jyly bolady», - dedi Natalıa Levına.
Sınoptıkter bul aıda jıi tuman túsip, kóktaıǵaq bolýy múmkin dep boljaýda.
