SQO sharýalary el boıynsha súttiń 70% óndire alady
ASTANA. KAZINFORM — Soltústik Qazaqstan oblysy zamanaýı sút keshenderin engizý boıynsha kósh bastap tur. Óńirde 110 sút-taýar fermasy jumys isteıdi. Bul Qazaqstandaǵy barlyq fermanyń 30% quraıdy. Óńir ákimi Ǵaýez Nurmuhambetov atalǵan baǵytty ilgeriletý jumystary týraly aıtyp berdi.
Ákimniń aıtýynsha, 2023-2024 jyldary elimizde salynǵan 58 jańa sút-taýar fermalarynyń 21-i SQO-da ashylǵan. Bıyl taǵy 8 zamanaýı keshen qosymsha engiziledi.
— Oblysta sút sharýashylyǵynda 2 iri joba júzege asyrylyp keledi. «Zenchenko jáne K» seriktestigi 90 oryndyq «Karýsel» saýý qondyrǵysy bar 8 myń basqa arnalǵan ferma salady. Sharýashylyq eldegi eń úzdik alǵashqy ondyqqa kiredi jáne sút saýý ónimdiligi boıynsha Qazaqstanda 1-shi orynda. Maǵjan Jumabaev aýdanynda «SK Agro» seriktestigi 100 bas sıyrǵa «Karýsel» biregeı saýý qondyrǵysy bar 10 myń basqa arnalǵan Ortalyq Azııa boıynsha eń iri ferma salady. Eki joba boıynsha sút óndirýdiń jyldyq ósimi 68 myń tonnany quraıdy. Bul agroqurylymdar óndiretin súttiń úlesin 70%-ǵa deıin arttyrýǵa múmkindik beredi, — dedi Ǵ. Nurmuhambetov elordada Ortalyq kommýnıkatsııalar qyzmetinde.
Atalǵan jobalardy iske asyrý óńirdiń pozıtsııasyn nyǵaıtyp, Soltústik Qazaqstan oblysynyń respýblıkalyq sút óndirisindegi úlesin 20%-ǵa deıin jetkizýge múmkindik beredi.
Buǵan deıin Ǵ. Nurmuhambetov Soltústik Qazaqstanda rekordtyq 6,5 mln tonna astyq jınalǵanyn aıtqan edi.