SQO: Sergeev jáne Petropavl sý qoımalary kóktemgi tasqynǵa daıyn ba
ASTANA. KAZINFORM - Sergeev jáne Petropavl sý toraptarynyń jaǵdaıy «qanaǵattanarlyq» jáne kelesi jylǵy sý tasqyny kezeńine daıyn bolady. Bul týraly Óńirlik kommýnıkatsııalar qyzmetiniń alańynda Soltústik Qazaqstan oblysy boıynsha «Qazsýshar» fılıalynyń dırektory Shuǵaıyp Ibatýllın málimdedi.
Fılıal sý toraptarynyń qaýipsiz jumysyn qamtamasyz etý úshin qajetti barlyq is-sharalardy júrgizýde. Búgingi tańda eki nysanda da jaǵalaýdy nyǵaıtý jumystary aıaqtaldy.
Sondaı-aq, bıyl Sergeev sý elektr stantsııasynyń syrtqy beton konstrýktsııalaryn gıdrooqshaýlaý, Petropavl sý torabynyń qaqpalaryndaǵy tyǵyzdaý elementterin aýystyrý jáne basqa da jumystar josparlanyp otyr.
«Bıyl sý tasqyny kezeńinde Sergeev sý qoımasyna shamamen 9 mlrd tekshe metr sý kelip, 8,8 mlrd tekshe metrden astam sý jiberildi. Aıta ketý kerek, nysan salynǵannan beri mundaı kórsetkish bolmaǵan. Al, Petropavl sý qoımasy arqyly nysannyń 360–tan astam kólemindeı sý ótti», - dedi Soltústik Qazaqstan oblysy boıynsha «Qazsýshar» fılıalynyń dırektory Shuǵaıyp Ibatýllın.
