SQO saýda jáne tutynýshylardyń quqyqtaryn qorǵaý departamentine jańa basshy keldi
PETROPAVL. KAZINFORM – Qazaqstan Respýblıkasy Saýda jáne ıntegratsııa mınıstrligi apparaty basshysynyń buıryǵymen Ǵalymjan Ilıasov Soltústik Qazaqstan oblysy boıynsha Saýda jáne tutynýshylardyń quqyqtaryn qorǵaý departamentiniń basshysy bolyp taǵaıyndaldy.
Ǵalymjan Moldabaıuly 1970 jyly Ońtústik Qazaqstan oblysynda dúnıege kelgen. K.I. Skrıabın atyndaǵy Máskeý memlekettik veterınarlyq medıtsına jáne bıotehnologııa akademııasyn «Zootehnııa» mamandyǵy boıynsha, sondaı-aq Halyqaralyq qazaq-túrik ýnıversıtetin «Memlekettik jáne jergilikti basqarý» mamandyǵy boıynsha támamdaǵan.
Ár jyldary OQO Qazyǵurt aýdanynyń jastar isi, týrızm jáne sport bóliminde bas mamannan bastap bólim basshysy deńgeıine deıin eńbek etti.
Sonymen qatar aýyldyq okrýg ákimi, aýdan ákimi, OQO ákimi apparatynyń bas ınspektory, aýyl sharýashylyǵy basqarmasy basshysynyń orynbasary, Shymkent qalasynyń jaıly qalalyq ortany damytý basqarmasynyń basshysy qyzmetterin atqarǵan.
Osy taǵaıyndaýǵa deıin Astana qalasy boıynsha Saýda jáne tutynýshylardyń quqyqtaryn qorǵaý departamentiniń basshysy boldy.
Buǵan deıin Damır Jamanbaev Taraz qalasy ákiminiń orynbasary bolyp taǵaıyndalǵanyn jazǵan edik.
