SQO prokýrorlary 70 eldi mekende turǵyndardy qabyldap jatyr
SQO Prokýratýra baspasóz qyzmetiniń málimetinshe, óńirde alǵash ótip otyrǵan aktsııa oblys ákimdiginiń, «Nur Otan» partııasy fılıalynyń jáne oblystyq Kásipkerler palatasynyń qatysýymen uıymdastyryldy.
«Maqsat - zańnamalardy túsindirý, azamattardyń quqyqtyq mádenıet deńgeıin arttyrý, halyqqa jedel quqyqtyq kómek kórsetý jáne prokýratýranyń quqyqtyq rólin arttyrý. Halyqty tyńdap, keı máselelerin sol jerde sheship berý maqsatynda prokýrorlar el arasyna shyqty. Tańǵy 8-den 86 prokýror 86 eldi mekende qabyldaý júrgizip jatyr», - deıdi oblys prokýrory Baǵban Taıymbetov.
Elbasynyń «Máńgilik el» ulttyq ıdeıasyn negizge ala otyryp jasalǵan is-shara Qyzyljar aýdanynan bastaý aldy. Beskól eldimekeninde qadaǵalaýshy organnyń ókilderi halyq kóp shoǵyrlanǵan bazarda, «Bolashaq» saýda kesheninde, Halyqqa qyzmet kórsetý ortalyǵynda turǵyndarmen kezdesýde. Aktsııaǵa oblystyń prokýratýra organynyń barlyq jeke quramy, Quqyqtyq statıstıka jáne arnaıy esep komıteti SQO basqarmasynyń mamandary jumyldyryldy.
Oblys prokýrory Baǵban Taıymbetovtyń tóraǵalyǵymen jedel shtab kúni boıy jumys isteıdi. Turǵyndar is-shara barysynda turǵyn úı-kommýnaldyq, áleýmettik sala, eńbek quqyǵyn qorǵaý, jer zańnamasy, azamattyq-sot qadaǵalaý, tergeý jáne anyqtaý máseleleri boıynsha aryz-shaǵymdaryn aıtyp, keı máseleler sol jerde sheshimin taýyp jatty. Jalpy, kelip túsken suraqtar boıynsha jaýapty tulǵalarǵa tapsyrmalar júkteledi.
Prokýrorlardyń aıtýynsha, «Zań kerýeni» aktsııasy alda óńirdiń barlyq eldi mekenderin qamtymaq.