SQO prokýrorlary orman zańnamalaryn buzýshylyqtardy anyqtady

Soltústik Qazaqstan oblysy prokýratýrasynyń taldaýy sheńberinde Orman kodeksiniń talaptaryn óreskel buzýshylyqtar anyqtaldy.

Atap aıtqanda, orman paıdalanýshylardyń sharttyq mindettemelerdi elemeýi, onyń ishinde 534 ga aýmaqta ormandy qalpyna keltirý jumystaryn júrgizbeýi, sondaı-aq aǵash jiberýdi oryndamaǵandary belgili boldy.

«Orman sharýashylyǵynyń laýazymdy tulǵalary osy sharttyq mindettemelerdiń oryndalýyna tıisti baqylaýdy júzege asyrý úshin sharalar qabyldamaǵan.

Taǵy bir jaǵdaıda oblystyń orman sharýashylyqtary (Aqqaıyń, Býlaev, Esil, Presnovka, Jambyl, Orlınogorsk, Mamlıýt) jeke tulǵalarǵa aǵash satýǵa orman bıletterin zańda belgilengen normadan joǵary kólemde bergen», — dep jazdy baqylaýshy organnan.

Qadaǵalaý organynyń aktisi boıynsha orman sharýashylyqtarynyń 7 laýazymdy tulǵasy tártiptik jaýapkershilikke tartylyp, bıýdjetke 11 mln teńge kóleminde ormandardy molyqtyrý tólemi óndirildi.

Sondaı-aq ázirlengen keshendi jospar aıasynda jiberilgen buzýshylyqtardy joıý sharalary qabyldanýda.