SQO prokýratýrasy 50,5 myń gektar jerdi memleket menshigine qaıtardy

ASTANA. QazAqparat - Soltústik Qazaqstan oblysynyń prokýratýrasy 50,5 myń gektar aýyl sharýashylyǵy maqsatyndaǵy jerdi memleket menshigine qaıtardy.

Oblystyq prokýratýranyń baspasóz qyzmetiniń habarlaýynsha, 2016 jyldyń 3 aıynda jer zańnamalaryn qoldaný salasyndaǵy zańdylyqty saqtaý baǵytynda prokýrorlyq qadaǵalaý aktileri boıynsha jalpy kadastrlyq quny 3,1 mlrd teńgeni quraıtyn 50,5 myń gektar aýyl sharýashylyǵy maqsatyndaǵy jer memleket menshigine qaıtaryldy.

Atalǵan salada barlyǵy 6 tekseris júrgizildi, 93 buzýshylyq anyqtaldy, 21 tulǵa ártúrli jaýapkershilikke tartyldy. Sondaı-aq, jer telimderin jalǵa alýshylardan bıýdjetke 10,5 mln teńge óndirilip alyndy.