SQO polıtsııasyna jyl basynan iz-túzsiz joǵalǵandar týraly 304 ótinish tústi
PETROPAVL. QazAqparat – Petropavlda krımınaldyq polıtsııa qyzmetkerleri 17 tamyz kúni úıinen ketip, qaıtyp oralmaǵan 35 jastaǵy Sergeı ıAsımchıkti izdestirip jatyr, dep habarlaıdy QazAqparat tilshisi.
Soltústik Qazaqstan oblysy Polıtsııa departamenti baspasóz qyzmetiniń málimetinshe, Petropavldyń krımınaldyq polıtsııa qyzmetine Sergeı ıAsımchıktiń anasy habarlasyp, 35 jastaǵy balasyn taýyp berýdi ótingen. Er adam úıden ketip, qaıtyp oralmaǵan.
Joǵalǵan er adamnyń boıy 170 sm, deneli, shashy qoıý sary tústi, kózi sur tústi, murny qısyqtaý. Ústinde jolbarystyń sýreti bar qara-kók tústi keýdeshe, sur trıko, kók krossovkı jáne ózimen birge qyzǵylt sary órnegi bar qara rıýkzak bolǵan.
Petropavl polıtsııa basqarmasynyń jeke quramy, aýdandyq bólinister túgel jumyldyryldy. Tártip saqshylary onyń tanystaryn, bolýy yqtımal jerlerdi tekserip jatyr. Polıtseıler joǵalǵan adam týraly qandaı da bir aqparat bolǵan jaǵdaıda kezekshi bólimge (tel.:39-40-37), izdestirý bólimine (tel.:39-41-78) ne «102» arnasyna habarlasýdy suraıdy.
«Adamdardyń iz-túzsiz joǵalýyna olardyń spırttik ishimdikke áýestigi sebep bolyp jatady. Sol sebepten birinshi kezekte kóńil-kóterý oryndary, jalǵa beriletin páterler tekseriledi.
Kóp «joǵalatyndardyń» biri – jasóspirimder. Olar ózderiniń «eseıgenderin» kórsetkileri kelip, ata-analaryn eskertpesten, tanystarynda qonady. Jasóspirimder joǵalǵan jaǵdaıda olardy izdeýge jedel túrde barlyq kúsh jumyldyrylady. Bul jumysta volonterler zor kómek kórsetedi, áleýmettik jelilerde habarlandyrýlar taratady, izdestirý is-sharalaryna qatysady. Ádette, kámeletke tolmaǵandar kezekshi táýlik ishinde tabylyp jatady», - deıdi SQO PD krımınaldyq polıtsııa basqarmasynyń bastyǵy Petr Klımov.
Jyl basynan SQO polıtseıleri iz-túzsiz joǵalǵan adamdarǵa qatysty 304 ótinishti qabyldady. Onyń 197-sinde joǵalǵandar kezekshi táýlikte tabylǵan.
