SQO polıtsııasy jyl basynan beri 107 myńnan astam quqyq buzý áreketterin anyqtady

PETROPAVL. QazAqparat - Bıylǵy jyldyń 9 aıynda oblys aımaǵynda 107-den astam túrli ákimshilik quqyq buzý áreketteri anyqtaldy. Olardyń jartysyna jýyǵy Petropavl qalasynda málim boldy, dep habarlaıdy QazAqparat Soltústik Qazaqstan oblystyq ІІD baspasóz qyzmetine silteme jasap.

Úsh kún boıyna óńirde «tózimsizdik» aktsııasy ótti. Jergilikti polıtsııa qyzmetiniń ókilderi maqsatty reıdter uıymdastyryp, mektep oqýshylary men kolledj stýdentteri arasynda oqytý jumystaryn qolǵa aldy. 

Petropavl qalasy ishki ister basqarmasynyń bastyǵy, polıtsııa podpolkovnıgi Anatolıı Mýrzykanov temir jol kolledjiniń oqýshylarymen kezdesýge jeke ózi qatysty. Kezdesýdiń maqsaty - óskeleń urpaqty zańbuzýshyllyqa tózbeýge tárbıeleý jáne oqýshylardyń zań, tártip máseleleri boıynsha tolǵandyrǵan saýaldaryna jaýap berý.

«Kolledj oqýshylarymen kezdesýge esirtki bıznesi, ekstremızmmen kúres bólimshesi men ıývenaldy polıtsııa qyzmetkerleri de qatysty. Olar oqýshylarǵa beınematerıaldar kórsetip, pikir almasyp, Ákimshilik kodeksine qatysty baptar jazylǵan býkletter taratty»,-dedi Mýrzykanov.

Bir mezgilde tártip saqshylary parkter men skverlerge jáne ózge de qoǵamdyq oryndarǵa reıdter uıymdastyrdy. Qala turǵyndaryna usaq quqyqbuzýshylyqtar boıynsha zań aldyndaǵy jaýapkershilikter týraly da aıtyldy.