SQO polıtsııasy ardagerler qoryna bir kúndik eńbekaqylaryn aýdarady

PETROPAVL. QazAqparat - SQO polıtseıleri qaıyrymdylyq senbiligine shyqty, dep habarlaıdy «QazAqparat» tilshisi.

SQO ІІD baspasóz qyzmetiniń habarlaýynsha, senbilikke barlyq bólimshelerdiń qyzmetkerleri qatysqan.

«Bizdiń ákimshilik ǵımarattyń aýmaǵy qajetinshe tazalanyp, qala turǵyndaryna úlgi bolýy kerek. Sebebi bizdiń qyzmetkerler aınalany abattandyrý tártibin buzǵandardy jaýapqa tartatyndar»,-deıdi SQO ІІD basshysy Berik Bilálov.

Ol jeke quramǵa UOS jáne tyl ardegerleri turatyn úılerdiń mańaıyn tártipke keltirý jóninde tapsyrma berdi. Departamenttiń medıtsınalyq qyzmeti soǵys ardagerleriniń úılerine jıi baryp turady.

«SQO polıtsııa qyzmetkerleri Ardagerler keńesi qoryna bir kúndik eńbekaqylaryn aýdarady. Bul ardagerlerge degen úlken qurmettiń belgisi»,-deıdi baspasóz qyzmeti.