SQO polıtsııasy: alaıaqtyqtyń árbir altynshy faktisi nesıe alýmen baılanysty
NUR-SULTAN. QazAqparat - Soltústik Qazaqstan oblysynda polıtsııa kásipkerlermen jumys kezdesýin ótkizdi. Bul týraly QazAqparat Polıtsııa departamentiniń baspasóz qyzmetine silteme jasap habarlaıdy.
Іs-sharadaǵy basty taqyryp – aımaqtaǵy ınternet-alaıaqtyqtyń ósýi boldy. Shamamen árbir altynshy fakt basqa bireýdiń atyna onlaın-nesıe alýǵa ótinish berýmen baılanysty. Polıtsııa mıkrokredıttik uıymdardyń basshylaryn nesıe alýǵa qoıylatyn talaptardy kúsheıtýge, qaryz alýshynyń jeke basyn sáıkestendirý máselesin pysyqtaýǵa, kelisimdi onyń beıne kelisimi arqyly alýǵa shaqyrdy. Osy jyldyń eki aıynda 139 ınternet-alaıaqtyq, ıaǵnı ortasha eseppen kúnine ekiden astam fakt tirkeledi.
Taǵy bir mańyzdy másele – nysandardaǵy qaýipsizdikti qamtamasyz etý. Ótken jyly oblysta janarmaı beketinde bir tonaý, al lombardtarda eki alaıaqtyq faktisi tirkeldi. Jyl basynan beri janarmaı beketteri men lombardtarda tonaý oqıǵalary da oryn aldy.
«Taldaý kórsetkendeı, tehnıkalyq qaýipsizdigi jaǵynan álsiz obektiler qylmystyq qolsuǵýshylyqqa jıi ushyraıdy. Beınebaqylaýdyń joqtyǵy, fızıkalyq qaýipsizdik, terrıtorııalardyń jetkiliksiz jaryqtandyrylýy qylmystyq nıettiń paıda bolýyna túrtki bolatyn faktorlar bolyp sanalady. Beınebaqylaý – qorǵaýdyń tıimdi quraldarynyń biri. Beınekameralardyń arqasynda byltyr 882 qylmystyń, 2021 jyldyń eki aıynda 87 qylmystyń beti ashyldy», - dedi jergilikti polıtsııa bóliminiń bastyǵy Aıdyn Baımatov.
