SQO polıtseıleri jyldy qorytyndylap, qaıyrymdylyq aktsııasyn uıymdastyrdy
SQO Polıtsııa departamenti baspasóz qyzmetiniń málimetinshe, qaıyrymdylyq aktsııasyna polıtsııanyń barlyq bólinisteriniń qyzmetkerleri qatysty. Olar syılyqqa azyq-túlikti, táttilerdi, kitaptar men balalarǵa arnalǵan kıim-keshekterdi, kúndelikti turmysqa qajet buıymdardy ázirledi. Keıin munyń bárin kópbalaly, tolyq emes, turmysy nashar otbasylarǵa jáne tabystaryna karantındik shekteýler erekshe áser etken otbasylarǵa úlestirdi.
Syılyq tıelgen polıtsııa mashınalarynyń kerýeni tańerteń eldi mekenderge attandy. Polıtseıler sanıtarlyq normalardy qatań saqtaı otyra, balalarǵa jańa jyldyq kóńil-kúı sylap, syılyqtardy tabys etti.
Syılyq alǵandardyń ishinde jaqynda úıleri órtenip, baspanasyz qalǵan otbasy da bar. Erli-zaıypty 5 balany tárbıelep otyr. Qazir ýaqytsha páterdi panalaǵan. Tártip saqshylary balalarǵa bezendirilgen shyrshany syılady. Otbasyǵa turmysqa qajetti zattar men azyq-túlikter de tabys etti.
«Halyqpen barynsha tyǵyz qarym-qatynas jasaıtyn bólinister muqtaj jandarǵa kómek kórsetýdi usynyp bastama kóterdi. Mundaı otbasylardy ıývenaldyq polıtsııa qyzmetkerleri usyndy. Olar qyzmet barysynda kimge kómek kórsetý qajettigin jaqsy biledi. Barlyq balalarǵa kómek kórsetý múmkin emes, biz tek balalardyń júrekterinde jańajyldyq ǵajaıypqa degen senimderin saqtap qalǵymyz keledi. Jalpy jyl boıy bul otbasylar erekshe nazarda bolady», - dedi SQO polıtsııa departamentiniń bastyǵy Marat Tólebaev.
Polıtseılerdiń «qaıyrymdylyq kerýeni» 18 mekenjaıǵa baryp, 61 balaǵa syılyq úlestirdi.
