SQO polıtseıleri joǵalǵan jylqylardy dronmen izdedi
PETROPAVL. QazAqparat - Soltústik Qazaqstan oblysynyń polıtseıleri joǵalǵan tabyndy dronnyń kómegimen izdedi, dep habarlaıdy Polisia.kz.
SQO Aıyrtaý aýdanynyń polıtseıleri aýdan ortalyǵy Saýmalkól aýyly turǵyndarynyń alǵysyn arqalady.
21 sáýir kúni jylqy ósirýmen aınalysatyn aýyl turǵyndary Galıtsıno aýylynyń mańynda erkin jaıylymda júrgen tabynnan 13 jylqynyń joǵalǵanyn anyqtaıdy. Olar jylqylardy úsh kún boıy ózderi izdep, taba almaı, aýdandyq polıtsııa bólimine júginedi. Іzdeý toby qurylyp, avtokólik bólinedi.
Shal aqyn aýdanyna qaraı bet alǵan top izdeý jumysyna kvadrokopter paıdalanǵan, ony aýdandyq polıtsııa bóliminiń aǵa krımınalısi Іlııas Qunanbaı basqarǵan. Atalǵan tehnıkamen eki jyldaı jumys istegen Іlııas - tájirıbeli operator. Іz-túzsiz joǵalǵan adamdardy izdestirýge kómektesý úshin ol kvadrokoptermen saǵattap jumys istegen.
Іzdeýge eki táýlik jumsalǵan, izdeý toby joǵalǵan jerden kórshi aýdannyń aýmaǵyna deıin shamamen 100 shaqyrym júrip ótken. Dron júrip ótýi qıyn ormandy jerde paıdalanyldy. Ol aýada 25 mınýt bolyp, 8 shaqyrymdaı jer ushqan. Alaıda, jylqylar qyraǵy baqtashylardyń kómegimen tabyldy.
Polıtseıler kóp jylqylardyń joǵalǵany týraly olardy aldyn ala habardar etken. Baqtashylardyń birinen kelip túsken qońyraý mal ıelerin jylqylardyń izine túsirdi.
«Jylqylardyń erkin jaıylymnan joǵalýy – jıi kezdesetin jaǵdaı, – dep atap ótti Aıyrtaý aýdany polıtsııa bóliminiń basshysy Abylǵazy Ǵabdýllın. – Osyndaı jaǵdaılardy, sondaı-aq mal urlyǵy faktilerin boldyrmaý úshin aýyl turǵyndary malyn baqtashynyń qaraýyna tapsyrǵany jón. Osy maqsatta mal ıeleri, baqtashylar jáne jergilikti atqarýshy organdar arasynda úshjaqty shart jasalýy tıis».
Jylqy ıeleri áleýmettik jelilerde jylqylaryn eki táýlik boıy kúni-túni tynymsyz izdegen polıtseılerge alǵys aıtty.
Aqparat Polisia.kz saıtynda
