SQO polıtseıleri jaıaý júrginshilerdiń basty qateligi týraly aıtty
PETROPAVL. QazAqparat - Soltústikqazaqstandyq polıtseıler 3 kúnniń ishinde 680 jol erejesi buzýshylyǵyn anyqtady, dep habarlaıdy QazAqparat tilshisi.
Polıtsııa departamentiniń aqparaty boıynsha, jaıaý júrginshiler jolaǵynan, burylystan ótý, kólikti mas kúıinde júrgizý jáne jaıaý júrginshiler tarapynan jasalǵan buzýshylyqtar kósh bastap tur.
«Petropavlda jyl basynan beri jaıaý júrginshilerdiń kinásinen 26 jol apaty tirkelgen. Saldarynan 1 adam qaza taýyp, 74-i jaraqat alǵan. Túrli buzýshylyqtar jasaǵany úshin 4 myńnan astam jaıaý júrginshi ákimshilik jaýapqa tartylǵan. Jol oqıǵalarynyń jartysy solardyń enshisinde», - dedi baspasóz qyzmetinen. 
Polıtseılerdiń aıtýynsha, jaıaý júrginshilerdiń basty qateligi - baǵdarshamnyń qyzyl túsinen joldy kesip ótý, turǵan kólik quralynan aldynan kútpegen jerden shyǵa kelýi jáne joldy kez kelgen jerden kesip ótýi. 
