SQO polıtseıleri jańa jyl qarsańynda reıdterdi kúsheıtti

PETROPAVL. QazAqparat – Soltústik Qazaqstan oblysynda polıtseıler mereke qarsańynda «Shyrsha» aktsııasy aıasynda jumys istep jatyr, dep habarlaıdy QazAqparat tilshisi.

SQO polıtsııa departamenti baspasóz qyzmetiniń málimetinshe, jeltoqsannyń 15-nen oblysta «Shyrsha» aktsııasy bastaldy.

Tabıǵatty qorǵaý polıtsııasynyń qyzmetkerleri orman alqaptaryna reıdter júrgizip jatyr.

Іs-sharalarǵa SQO boıynsha orman sharýashylyǵy jáne janýarlar dúnıesi aýmaqtyq ınspektsııasynyń ókilderi de qatysýda.

Polıtseıler orman qoryna kirmeıtin aǵashtar men butalardy zańsyz keskeni, joıǵany ne zaqym keltirgeni úshin jeke tulǵalarǵa 50 AEK, orman qoryna kiretin aǵashtar men butalar úshin 100 AEK kóleminde aıyppul salynatynyn eskertedi.

Kelgen shyǵyn somasy 100 AEK asqan jaǵdaıda qylmystyq jaýapkershilik qarastyrylǵan.

«Qylqan japyraqty aǵashtardy zańsyz kesýden qorǵaý – jańajyldyq mereke qarsańyndaǵy polıtsııa mindetteriniń biri. Reıdter ormandarǵa ǵana emes, saýda oryndaryna da júrgiziledi. Shyrshany satý úshin tıisti ruqsat qujaty bolýy mańyzdy. Búgingi kúni zańsyz kesý jáne satý faktilerine jol berilgen joq. Aktsııa jeltoqsannyń 31-ne deıin jalǵasady», - deıdi SQO PD Jergilikti polıtsııa qyzmeti basqarmasynyń bastyǵy Aıdyn Baımatov.

Buǵan deıin SQO-da mereke qarsańynda qylqan japyraqty ormandar qorǵaýǵa alynyp, ormanshylar men tártip saqshylarynan quralǵan mobıldi toptar kezekshilik etip jatqanyn aıtqan edik.

Óńirde osyndaı 95 mobıldi top quryldy.