SQO polıtseıleri zańsyz kóshi-qon faktilerin anyqtady
PETROPAVL. QazAqparat - Soltústik Qazaqstan oblysynda zańsyz kóshi-qon joldaryn uıymdastyrý faktileri anyqtaldy, dep habarlaıdy «QazAqparat» HAA tilshisi.
ІІD baspasóz qyzmetiniń málimetinshe, Shymkent turǵyny Aýǵanstannyń eki azamatyna Reseı aýmaǵyna kedergisiz ótkizemin dep ýáde bergen. Qolǵa túskenderdiń ústinen qylmystyq is qozǵalyp, materıaldar OQO-ǵa jiberilgen.
«Oblys boıynsha 30 jumys berýshi sheteldikterdiń eńbegin zańsyz paıdalanǵany úshin jaýapqa tartyldy. Petropavl qalasynyń turǵyny elde eńbek etýge ruqsaty joq Tájikstan azamatyn jumysqa alǵan. Ekeýi de ákimshilik jaýapkershilikke tartyldy», - dep habarlaıdy departamenttiń baspasóz qyzmeti.
Oblys aýmaǵy Reseıge ótpek bolǵan Ortalyq Azııa elderiniń turǵyndary úshin «tranzıttik dáliz» qyzmetin atqaryp keledi. Kóktem jáne jaz mezgilderinde SQO-dan kólikpen jyl saıyn 50 myń zańsyz mıgrant ótetini anyqtaldy.
