SQO polıtseıleri para aldy degen kúdikpen izdeýde júrgen reseılikti anyqtady
SQO polıtsııa departamenti baspasóz qyzmetiniń málimetinshe, aqpannyń 15-i men 19-y aralyǵynda «Mıgrant» jedel-profılaktıkalyq is-sharasy bastaý aldy.
Polıtseıler operatsııa aıasynda sheteldik azamattardy tirkelgen jerleri boıynsha tekseredi, oblystyń saýda oryndary men sharýashylyqtary boıynsha reıdter júrgizedi. Nátıjesinde zańsyz jumysqa ornalasýdyń 7 faktisi anyqtaldy. Máselen, Tájikstannyń 41 jastaǵy turǵyny elge kirgen kezinde jumysqa ornalasýǵa ruqsat almaı, Shal aqyn aýdanynda plastık terezelerdi ornatýmen aınalasqan. Jumys berýshi jaýapqa tartyldy. Sheteldik jumys kúshin zańsyz paıdalanǵany úshin Qazaqstannyń úsh azamatyna qatysty ákimshilik materıaldar jınaldy. Oblys ortalyǵynda jáne Aqqaıyń aýdanynda sot sheshimimen kóshi-qon zańnamasyn buzǵan eki sheteldik elden shyǵaryldy. Aldaǵy 5 jylda olarǵa Qazaqstanǵa kirýge tyıym salyndy.
«Operatsııanyń birinshi kúni Qyzyljar aýdany polıtsııa bóliminiń jedel ýákilderi kóshi-qon qyzmeti qyzmetkerleriniń kómegimen sybaılas jemqorlyq qylmysy úshin izdeýde júrgen 35 jastaǵy Reseı Federatsııasy azamatynyń júrgen jerin anyqtady. Ol jaıynda Omby oblysy boıynsha Reseı ІІM basqarmasyna habarlama jiberildi», - deıdi SQO PD kóshi-qon qyzmeti basqarmasynyń bastyǵy Talǵat Ábilov.
Sondaı-aq, shaqyrylǵan sheteldikterdiń elde bolý erejelerin buzǵany úshin Qazaqstannyń 25 azamaty ákimshilik jaýapkershilikke tartyldy. Shetelden qonaqtardy qabyldaǵan kezde kóshi-qon qyzmetine olar týraly úsh kún ishinde habarlaý qajet ekendigin polıtseıler eske salady. Búgingi tańda SQO-da 2711 sheteldik turady.