SQO polıtseıleri qarjy pıramıdasynyń qurbany bolǵan turǵyndardy izdestirip jatyr
PETROPAVL. QazAqparat - Soltústik Qazaqstan nyń polıtseıleri qarjy pıramıdasynyń qurbany bolǵan adamdardy izdestirip, dep habarlaıdy QazAqparat tilshisi.
Іshki ister departamenti baspasóz qyzmetiniń málimetinshe, Tergeý basqarmasy qarjy pıramıdasyn qurý jáne basqarýǵa qatysty bap boıynsha sotqa deıingi tergeý amaldaryn júrgizýde.
Buǵan qarjy pıramıdasyna kirip ketken Petropavl turǵynynyń aryzy sebep boldy.
«Ǵalamtordan jumys izdegen áıel adam Skype arqyly ózderin «LS ProJECT» fırmasynyń qyzmetkerleri retinde tanystyrǵan eki áıelmen kelissózder júrgizgen. Zardap shekken azamatsha sendiretindeı etip jasalǵan prezentatsııamen tanysqan soń, 20 paıyzdyq ınvestıtsııalyq kiris ákelýge ýáde bergen fırmanyń usynysyn qabyl alyp, qajet somany aýdarǵan. Osydan keıin ol jańa salymshylardy izdestirýge kirisken», - dedi baspasóz qyzmetiniń ókili.
Arada ýaqyt ótken soń qala turǵynyń kóńiline kúdik uıalap, polıtsııaǵa shaǵym túsirgen.
«Jańa salymshylardy tartý qarjy pıramıdasyn jarnamalaý bolyp tanylady. Bul is ákimshilik quqyqbuzýshylyqqa jatady, sondyqtan jeke tulǵalarǵa 150 AEK kóleminde aıyppul salý túrinde jaza kesiledi», - dedi baspasóz qyzmetindegiler.
Qazirgi tańda polıtseıler qarjy pıramıdasynan zardap shekken turǵyndardy anyqtaýmen aınalysýda. Sondaı-aq, tártip saqshylary «LS ProJECT» fırmasynyń qyzmetine aralasqan azamattardan 102 nómirine habarlasýlaryn suraıdy.
