SQO polıtseıleri iz-túzsiz joǵalǵan eki adamdy izdestirýde

PETROPAVL. QazAqparat – Soltústik Qazaqstan oblysynda tártip saqshylary úılerinen shyǵyp, habarsyz ketken óńirdiń eki turǵynyn izdestirip jatyr, dep habarlaıdy QazAqparat tilshisi.

SQO Polıtsııa departamenti baspasóz qyzmetiniń habarlaýynsha, Petropavl qalalyq polıtsııa basqarmasynyń krımınaldyq polıtsııa bólimi iz-túzsiz joǵalǵan Vıktor Vıktorovıch Raskatovqa izdeý jarııalady. 1983 jyly 31 naýryzda týǵan qala turǵyny bıyl 30 qyrkúıekte Irtyshskaıa kóshesi, 3 mekenjaıyndaǵy úıinen shyǵyp ketken. Qazirgi ýaqytqa deıin júrgen jeri belgisiz.

Vıktordyń boıy 160 sm, orta deneli, shashy qońyr, kózi kók. Sol kúni ústinde sur tústi trıko, qoıý jasyl tústi kýrtka, qara galosh, qara tústi bas kıimi bolǵan. Tártip saqshylary ol týraly qandaı da bir aqparatqa ıe azamattardy 102, 8(7152) 39-48-37, 39-48-07, 8-747-239-11-61, 8-707-909-50-06 telefondaryna habarlasýdy suraıdy.

Sondaı-aq SQO Polıtsııa departamenti Qyzyljar aýdanynyń polıtsııa bólimi krımınaldyq polıtsııa bólimshesi Baımaga Garahanovna Mırısmaılovnany izdestirip jatyr. 1967 jyly 17 tamyzda týǵan áıel Qyzyljar aýdanyndaǵy Bogolıýbovo eldi mekeniniń turǵyny. 31 qazanda shamamen saǵat 16.00-de úıinen shyǵyp ketken jáne qazirgi ýaqytqa deıin júrgen jeri belgisiz. ІІ toptaǵy múgedek, ázerbaıjan tilin ǵana biledi.

Baımaga Garahanovnanyń boıy shamamen 160-165 sm, dene bitimi aryqsha kelgen, shashy qara, buıra, kózi qara. Ústinde uzynsha kelgen qara tústi kýrtka, qara tústi beldemshe, qyzyl tústi etik, basynda qara tústi oramal bolǵan. Ony kórgen-bilgender SQO PD Qyzyljar aýdanynyń polıtsııa bólimshesine 8-707-606-68-25, 8-777-082-81-21, 8-715-38-2-17-02, faks 8-71538-2-22-08 nemese 102 nómirine aqparat bere alady.